დელიში ჰაერის ხარისხი „ძალიან ცუდი“ ნიშნულზეა
- ენერგეტიკისა და სუფთა ჰაერის კვლევითი ცენტრის ანგარიშის თანახმად, საერთო ჯამში 132 ქალაქში ჰაერის ხარისხის დონე ეროვნულ სტანდარტებს ვერ აკმაყოფილებს.
- IQAir-ის თანახმად, დღეს დილით, 175 AQI-ით, ჰაერის მაღალი დაბინძურების გამო დელი მსოფლიოს მასშტაბით მერვე ადგილზე იყო.
- ერთთვიანი ექსპერიმენტის წინასწარმა მონაცემებმა აჩვენა, რომ ნოემბერ-დეკემბერში, ქალაქში შენობა-ნაგებობების შიდა სივრცეში ჰაერის დაბინძურების ნიშნული გარე დაბინძურების თითქმის ნახევარი იყო.
დელის მაცხოვრებლებს ნისლიან კვირა დილას მოუწიათ გაღვიძება, რამდენადაც ჰაერის ხარისხის ინდექსი (AQI)”ძალიან ცუდ“ ნიშნულზე დარჩა.
კვირა დილას დელიში ჰაერის კატეგორია “ძალიან ცუდ” ნიშნულს მიუთითებდა, როდესაც ტემპერატურა 10 გრადუს ცელსიუსზე დაბლა დაეცა და ნისლმა მოიცვა ქალაქი, რომელიც თვეების განმავლობაში ჰაერის ძლიერი დაბინძურებით გამოირჩეოდა.
ჰაერის ხარისხის ინდექსი (AQI) დილის 08:00 საათზე 301-ს უჩვენებდა, იტყობინება დედამიწის მეცნიერებათა სამინისტროს ჰაერის ხარისხის პროგნოზის სააგენტო SAFAR. აღსანიშნია, რომ 50-ზე ქვემოთ არსებული მაჩვენებელი უსაფრთხოდ ითვლება, 51-დან 100-ის ჩათვლით „დამაკმაყოფილებელია“, ხოლო 300-ზე მეტი ნებისმიერი მაჩვენებელი სახიფათოდ ან „საშიშად“ ითვლება.
პარასკევს ჰაერის ხარისხი “ძალიან ცუდ” ნიშნულამდე დაეცა, რამდენიმე დღის შემდეგ კი “დამაკმაყოფილებელი” გახდა, მას შემდეგ, რაც გასულ შაბათ-კვირას დედაქალაქში ძლიერი წვიმა მოვიდა. შაბათი დღის საერთო მონაცემებზე დაყრდნობით (AQI) ჰაერის მაჩვენებელი 339 იყო, რაც “ძალიან ცუდ” კატეგორიას მიეკუთვნება.
IQAir-ის თანახმად, დღეს დილით, 175 AQI-ით, ჰაერის მაღალი დაბინძურების გამო დელი მსოფლიოს მასშტაბით მერვე ადგილზე იყო.
ერთთვიანი ექსპერიმენტის წინასწარმა მონაცემებმა აჩვენა, რომ ნოემბერ-დეკემბერში, ქალაქში შენობა-ნაგებობების შიდა სივრცეში ჰაერის დაბინძურების ნიშნული გარე დაბინძურების თითქმის ნახევარი იყო.
ინდოეთი ამ დრომდე ვერ ახერხებს ტოქსიკური ჰაერის ხარისხი გააუმჯობესოს. სმოგით მოცული ქალაქების რიცხვი იზრდება მიუხედავად იმისა, რომ მოცემული პრობლემის მოსაგვარებლად ეროვნული პროგრამა ამოქმედდა – განაცხადა სამშაბათს Bloomberg-მა.
ენერგეტიკისა და სუფთა ჰაერის კვლევითი ცენტრის ანგარიშის თანახმად, საერთო ჯამში 132 ქალაქში ჰაერის ხარისხის დონე ეროვნულ სტანდარტებს ვერ აკმაყოფილებს, აქედან კი 102 ქალაქი 2019 წელს ამოქმედებულ შესაბამის ეროვნულ პროგრამაშია ჩართული.
სტატიაზე მუშაობდა : ლიზი ფირცხალაიშვილი და ლიზი უგულავა
წყარო : www.business-standard.com