ბელგიის სასამართლო კლიმატის არაადეკვატურ პოლიტიკას ადამიანის უფლებების დარღვევად მიიჩნევს

კლიმატის კამპანიის მონაწილეებმა “ისტორიული გამარჯვება” მოიპოვეს მას შემდეგ, რაც ბრიუსელის სასამართლომ, დაგმო ბელგია კლიმატის პოლიტიკის გამო, რომელიც არღვევს ქვეყნის ვალდებულებებს, იზრუნოს და დაიცვას ადამიანის უფლებები.

პირველი ინსტანციის სასამართლოს გადაწყვეტილება მოჰყვა, ექვსწლიან იურიდიულ ბრძოლას, რომელიც დაიწყო 58000-ზე მეტი მოქალაქისგან შემდგარმა, არაკომერციულმა ჯგუფმა Klimaatzaak (კლიმატის საქმე).

Guardian-ის თანახმად: ”სასამართლომ არ მიიღო ყველა აუცილებელი ზომა კლიმატის ცვლილების მავნე ზეგავლენის თავიდან ასაცილებლად, სასამართლომ განაცხადა, რომ ბელგიის ხელისუფლებამ, დაარღვია სიცოცხლის უფლება (მუხლი 2) და პირადი და ოჯახური ცხოვრების პატივისცემის უფლება (ადამიანის უფლებათა ევროპული კონვენციის მე -8 მუხლი)“.

ფედერალური მთავრობა და სამი რეგიონი – ბრიუსელის, ფლამანდური და ვალონის რეგიონები – “არ იქცეოდნენ, როგორც ზოგადად, გონიერი და წინდახედული სახელმწიფო ორგანოები უნდა იქცეოდნენ, რაც დანაშაულს წარმოადგენს”, იტყობინება სააგენტო France-Presse.

Klimaatzaak-ის ვებ-გვერდზე ვკითხულობთ, 2019 წლის, ნიდერლანდების უზენაესი სასამართლოს გადაწყვეტილებას: ეს სასამართლო პროცესი აუცილებელია იმის გამო, რომ ტემპერატურის რეკორდული ზრდა გრძელდება, წყალდიდობა სულ უფრო ხშირდება… მაგრამ, უპირველეს ყოვლისა, იმიტომ, რომ ბელგიის კლიმატის რეალური პოლიტიკა არ არსებობს. ნიდერლანდებში ვნახეთ, რომ ეს შესაძლებელია განხორციელდეს იურიდიული გზით: ჰოლანდიურმა კლიმატურმა ორგანიზაცია „ურგენდამ“ მოიგო მსგავსი საქმე, რამაც გამოიწვია კლიმატის ამბიციური კანონის მიღება.

კლიმატის ჯგუფმა, ბრიუსელის სასამართლოს მოსთხოვა ემისიების შემცირების კონკრეტული მიზნების დასახვა: მინიმუმ 42%-ით შემცირება, 1990 წლის დონესთან შედარებით, 2025 წლისთვის და მინიმუმ 55%-ით შემცირება, 1990 წელთან შედარებით, 2030 წლისთვის, ხოლო, ნულოვანი ემისია 2050 წლისთვის. მოსამართლემ არ დააკმაყოფილა ეს მოთხოვნები, ძალაუფლების დანაწილების მოტივით.

Greenpeace ბელგიამ, სასამართლო გადაწყვეტილებას უწოდა “ჩვენი ქვეყნის კლიმატის პოლიტიკის მკაფიო დაგმობა” და მოუწოდა ყველა მინისტრს “მუშაობისკენ”.

სტატიაზე მუშაობდა : ლედი ბოჟაძე

წყარო : www.ecowatch.com