არქტიკული ტბები ნავარაუდევზე ერთი საუკუნით ადრე შრება

• გლობალური დათბობის პირობებში, მტკნარი წყლის მარაგი კრიტიკულად მცირდება.
• სატელიტური გამოსახულება ცხადყოფს, რომ არქტიკის მასშტაბით ტბები დღეს მოსალოდნელზე სწრაფად ქრება.

ახალი კვლევის თანახმად, არქტიკული ტბები ნავარაუდევზე თითქმის ერთი საუკუნით ადრე შრება, რაც რეგიონს მტკნარი წყლის კრიტიკულ წყაროს ართმევს.

გლობალური დათბობის პირობებში, თბილი ამინდი ათბობს არქტიკას, ყინული სწრაფად დნება და იწვევს ტბების გაფართოებას. საბოლოოდ, ეს ტბები წყლით ვეღარ მომარაგდება და დაშრება. ადრინდელი პროგნოზით ამ პროცესს საუკუნეზე ნაკლები უნდა დასჭირვებოდა, მაგრამ სატელიტურმა სურათებმა ცხადყო, რომ ტბები იმაზე სწრაფად მცირდება, ვიდრე ნავარაუდევი იყო.

მკვლევრები 2000 წლიდან 2021 წლამდე თვალყურს ადევნებდნენ არქტიკული ტბის საფარის მკაფიო კლების ტენდენციას. კლება დაფიქსირდა საკვლევი ტერიტორიის 82%-ზე, რომელიც მოიცავდა კანადის, რუსეთის, გრენლანდიის, სკანდინავიისა და ალასკის დიდ ნაწილს. მეცნიერების თქმით, წყალი იმიტომ იწრიტება, რომ თბილი ჰაერი და შემოდგომის უხვი წვიმები ადნობს მარად მზრალ ნიადაგს არქტიკის ტბების გარშემო და ქვემოთ. წვიმების ეფექტი არ იყო აღრიცხული წინა მოდელებში, რომლებმაც აჩვენა, რომ ტბები უფრო გვიან შრება. კვლევა გამოქვეყნდა ჟურნალში „Nature climate change“.

სტატიაზე მუშაობდა : თაკო ჩუმაშვილი და ანა ახალაძე

წყარო : www.enn.com

16 ოქტომბერი 2022 წელი.