ახალი სარეკლამო აბრები ნაირობის მცხოვრებლებს ჰაერის დაბინძურების დონის შესახებ ინფორმაციას მიაწვდიან

• ახალი ციფრული სარეკლამო აბრები ქ. ნაირობის მაცხოვრებლებს რეალურ დროში მიაწვდიან ინფორმაციას ჰაერის დაბინძურების დონის შესახებ.
• მყარი ნაწილაკები PM 2.5 ადამიანების ჯანმრთელობისთვის სერიოზულ საფრთხეს წარმოადგენენ. დიდ ქალაქებში ჰაერში ამ ნაწილაკების მაღალი რაოდენობა, რასაც ხელს საავტომობილო ტრანსპორტი უწყობს, ადამიანების სიცოცხლისათვის დამატებით რისკებს ქმნის.
• ჰაერის ხარისხი გარემოს დაცვის უმნიშვნელოვანესი ნაწილია, რადგან სწორედ ჰაერის დაბინძურების შედეგად ყოველწლიურად ათასობით ადამიანი იხოცება.
• კენიის ცენტრალურ ქ. ნაირობში ჰაერის დაბინძურების დონის შესამცირებლად ახალი ტექნოლოგიების გამოყენება გადაწყდა. ეს ინოვაციური ბილბორდები გაეროსთან თანამშრომლობის შედეგად დამონტაჟდება
• ასეთი აბრების დამონტაჟების მიზანია მოსახლეობაში ეკოლოგიური თვითშეგნების ამაღლება, ტრანსპორტის მართვის გაუმჯობესება და უკეთესი საარსებო გარემოს შექმნა ნაირობის ყველა ბინადარისთვის.

ეს ინიციატივა გაერთიანებული ერების ორგანიზაციის, კერძო სექტორის, სამეცნიერო წრის წარმომადგენლებსა და ადგილობრივი თვითმმართველობის ორგანოებს შორის უნიკალური თანამშრომლობის შედეგია.

სარეკლამო აბრები მოქალაქეებს რეალური დროის რეჟიმში მიაწვდიან ინფორმაციას ჰაერში მყარი ნაწილაკების (PM 2.5) დონის შესახებ. პროექტის მიზანია ჰაერის ხარისხის გაუმჯობესებაზე მიმართული ყველა ძალისხმევის, კერძოდ კი ტრანსპორტის მართვის, ნარჩენების გადამუშავების და სხვა სერვისების ეფექტურობის ამაღლება.

თავდაპირველად აბრები ქალაქის 4 უმთავრეს ადგილას განთავსდება: მოის გამზირზე, უნივერსიტეტის ქუჩაზე, მბაგათის ქუჩაზე და კომო კენიატას სახ. სართაშორისო აეროპორტში.

ნაირობის ოლქის გარემოს დაცვის დირექტორის თანაშემწე, ლოურებს მვანჯი, რომელიც გარემოს დაბინძურების კონტროლზეა პასუხისმგებელი, აცხადებს: „რეალური დროის რეჟიმში ჰაერის ხარისხის მონიტორინგი დაგვეხმარება ჯანდაცვის სისტემისთვის რეკომენდაციების შემუშავებაში და ასევე ტრანსპორტის მართვის „ჭკვიანი“ სისტემის შექმნაში, რაც საცობების რაოდენობას მინიმუმამდე დაიყვანს.

ეს რეკომენდაციები მოასახლეობას დაეხმარევა მავნე ნივთიერებებთან კონტაქტის შემცირებაში.“

გაეროს გარემოს დაცვის პროგრამის (UNEP) აღმასრულებელმა დირექტორმა, ინგერ ანდერსონმა, დაამატა: „ჰაერის დაბინძურებას ყოველწლიურად მრავალი ადამიანის სიცოცხლე ეწირება. ამიტომაც ამ სიტუაციის საწინააღმდეგო ზომები ძალზედ მნიშვნელოვანია. ძალისხმევა ძირითადად მიმართული უნდა იყოს მაღალი რისკის ქვეშ მყოფი ადამიანების ჯგუფების დასახმარებლად. მათ ეკუთვნიან დიდი ქალაქების შემოგარენში მცხოვრები დაურეგისტრირებელი პირები.

„ჰაერის ხარისხის გაუმჯობესებაზე მიმართულ ინოვაციებში ჩართულები უნდა იყვნენ ადგილობრივი მოსახლეობა და მმართველი პირები, რათა გაიზარდოს საზოგადოების ეკოლოგიური თვითშეგნება და ყველამ გაიაზროს თუ რამდენად მნიშვნელოვანია ჰაერის ხარისხი ჩვენი გარემოსთვის და სიცოცხლისთვის უკეთესი პიროვების შექმნისთვის.“

სტატიაზე მუშაობდა : ლილიან მეტრეველი

წყარო : airqualitynews.com