2020 წელს ენერგიის ყველაზე იაფფასიანი წყარო განახლებადი ენერგია იყო

• 2020 წელს გამოყენებული მზის, ქარისა და სხვა განახლებადი ენერგიის წყაროების თითქმის მესამედი, 62 პროცენტი, უფრო იაფი იყო, ვიდრე ყველაზე დაბალბიუჯეტური წიაღისეულის საწვავის ენერგიის წყაროებიც კი.
• წიაღისეულის საწვავზე უარის თქმა წელიწადში ნახშირორჟანგის გამოყოფას შეამცირებს 3 გიგატონით, რაც იმ მოცულობის 20 პროცენტია, რამდენითაც ნახშირორჟანგის გამოყოფის შემცირებაა საჭირო 2030 წლამდე.
• განახლებადი ენერგიის გამოყენების პროცესში ქვეყნის ეკონომიკა დაზოგავს 156 მილიარდ დოლარს.

ახალი კვლევის მიხედვით, განახლებადი ენერგიის წყაროები ანაცვლებს წიაღისეულ საწვავს, როგორც ენერგიის ყველაზე იაფფასიან წყაროს.

საერთაშორისო განახლებადი ენერგიის სააგენტოს (International Renewable Energy Agency) ინფორმაციით, 2020 წელს გამოყენებული მზის, ქარისა და სხვა განახლებადი ენერგიის წყაროების თითქმის მესამედი, 62 პროცენტი, უფრო იაფი იყო, ვიდრე ყველაზე დაბალბიუჯეტური წიაღისეულის საწვავის ენერგიის წყაროებიც კი.

ამავე სააგენტოს ცნობით, ყოველწლიურად განახლებადი ენერგიის ფასი სულ უფრო და უფრო იკლებს. მსგავსი წყაროების ფასის დაწევა ხელს შეუწყობს განვითარებულ და განვითარებად ქვეყნებში ნახშირისა და მსგავსი წიაღისეულის ჩანაცვლებას, ეკოლოგიისთვის მიყენებული ზიანი შემცირებასა და მეტი სამუშაო ადგილის წარმოქმნას.

წიაღისეულის საწვავზე უარის თქმა წელიწადში ნახშირორჟანგის გამოყოფას შეამცირებს 3 გიგატონით, რაც იმ მოცულობის 20 პროცენტია, რამდენითაც ნახშირორჟანგის გამოყოფის შემცირებაა საჭირო 2030 წლამდე, რათა თავიდან ავიცილოთ კლიმატური კატასტროფა.

დამატებით, განახლებადი ენერგიის გამოყენების პროცესში ქვეყნის ეკონომიკა დაზოგავს 156 მილიარდ დოლარს.

სხვადასხვა ტიპის განახლებადი ენერგიის წყაროს ფასი განსხვავებულად იცვლება. ჰელიოკონცენტრატორის ფასი საშუალოდ 16 პროცენტით დაეცა, ქარის საზღვაო ელექტროსადგურის ფასი – 9 პროცენტით, ხოლო მზის ენერგიის ფოტოვოლტაიკური სისტემების ფასი – 7 პროცენტით.

საერთაშორისო ენერგიის სააგენტოს (International Energy Agency) ცნობით, დღესდღეობით ელექტორენერგიის ყველაზე იაფფასიანი წყარო მზის ენერგიაა. ამავე სააგენტოს ინფორმაციით, 2050 წლისთვის ნახშრბადნეიტრალურობის მიღწევა შესაძლებელია, თუმცა მასშტაბური ცვლილებების ხარჯზე, რაც მოიცავს ნახშირის, ბუნებრივი აირისა და ნავთობის გამოყენების მაქსიმალურად შემცირებასა და განახლებად ენერგიაზე მეტი ყურადღების გამახვილებას.

სტატიაზე მუშაობდა : ნინი თოიძე

წყარო : www.ecowatch.com